فى حياتنا الكثير من الضيقات

من أهمية هذا الموضوع أن هناك فى حياتنا الكثير من الضيقات وتلاقى ولاد ربنا عمالين يتشفعوا للقديسين ولكن ربنا مش بيستجيب مثل بولس الرسول لما أصيب بشوكة فى الجسد و أخذ يتضرع فقال له المسيح " تكفيك نعمتى لأن قوتى فى الضعف تكمل " . المسيح هو الوحيد اللى معاك فى كل ضيقاتك.
هو اللى يقدر يحارب كل عدو وأقوى عدو لنا عدو روحى وأعداء الأنسان الروحية هى :-
1- أبليس 2- العالم 3- الجسد .
ــــــــــــــــــــــــ
1- أبليس :- " أبليس عدوكم يجول كأسد زائر ملتمساً من يبتلعه"
أسد جعان عمال يزأر فى البرية مش لاقى حاجة يأكلها بيحارب من ساعة آدم وحواء وهيفضل يحارب إلى آخر الأيام يحارب الكل مش أنت لوحدك .
* من جبروت أبليس أنه بيحارب المسيح نفسه (مز4) مش بس كده لكنه فضل يحاربه لغاية الصليب أصله عدو عنيد مش بيستسلم لكنه يستسلم لما يلاقيكى أنت أقوى منه .
2- العالم :- العالم هو العدو الثانى للإنسان ، العالم المحيط بيك مليان شر " إغراءات – شهوات –000" " لا تحبوا العالم ولا الأشياء التى فى العالم ....شهوة العين ، شهوة الجسد ، تعظم المعيشة " (1يو 2) لو كنت عايز تعيش مع ربنا قول للعالم أحنا ملناش طريق معاك أحنا بنحارب أبليس.
3-الجسد :- " الجسد يشتهى ضد الروح والروح ضد الجسد .....حتى تفعلون ما تريدون " (غلا 5) الجسد يخليك تكسل عن حياتك الروحية .
3 أعداء يتجمعوا علشان يحاربوا ولاد ربنا فى حياتهم الروحية من يوم ما دخلتى المعمودية ربنا مش ممكن يسيبك تضيع بس أنت خليك معاه وفيه ناس كتير بتقع فى شباك عدو الخير ربنا مش هيقف ساكت قدام الثلاثة أعداء دول .
+ مش هتلاقى أحن من ربنا يدافع عنك ويسندك ويقويك ويقدم لنا حاجات حلوة كتيرعلشان هو فدانا وأتصلب علشانا .
+ المسيح سحق الشيطان (رو12) " يسحق الشيطان سريعاً ..." وأكمل المسيح هذا السحق بالصليب .
إذن من النهاردة لا تخاف من الشيطان ولا تستسلم له لأنه عدو المسيح سحقه على الصليب والمشكلة فيك أنت لو كنت فى منتهى القوة والشجاعة هتقدرى تدافع عن نفسك لكن المشكلة أننا بنستهين بالمسيح الساكن فينا لازم تعرف أن الشيطان ضعيف جداً جداً وخصوصاً بعدما المسيح ربطه بالصليب .

+ ربنا سحق الشيطان وطول النهار ساندك يشجعك يقويك " لاتخف لأنى معك "

تدريب :- أقرأى سفر أشعياء من الأصحاح 40 هتلاقى وعود حلوة كتير.

+ المسيح سحق الشيطان هيدور عليك وبعد كده مش ممكن يسيبك لوحدك هو يشجعك ويرثى لضعفك . ربنا عارف أمكانياتك المحدودة وعارف ضعفاتنا دايماً تلاقيه بيعطف علينا ويرثى لضعفنا .

ربنا هو الوحيد اللى يحس بأحاسيسك (لا أصحاب ولا....)

" فيما هو تألم مجرباً يقدر أن يعين المجربين " حط عينك عليه وهو هيعينك
فى التجربة :- هو واقف جنبك وبيسندك ربنا مش هيسيبك لوحدك هيبعتلك الفرج والمنقذ المسيح أب حقيقى أب حنين يخدك فى حضنه
ربنا مش ممكن يسيبك لأنه أبيك " .. لا يدعكم تجربون فوق ما تستطيعون "

• طيب دورنا أحنا أيه فى المحاربات الروحية ؟
1- بص للصليب وأدخل تحت جناحه – خليك ملزماه فالصليب هو حياتك تستظل به تبص له ربنا يخدك فى حضنه زى يوحنا لما رمى رأسه على صدر المسيح أنت بترمى رأسك على صدر مين؟ مفيش حد ينفعك
+ ولاد ربنا القديسين همَ بس اللى يعرفوا الحتة دى . أقف قدام ربنا صلى أوعا تحط فى فكرك زى أولاد الأرض أن الشيطان قوى
2- أتعلق بربنا :- هو الوحيد اللى هيخلصك فى الضيقة زى داود (مز 90) "لأنه تعلق بى أنجيه أرفعه لأنه عرف أسمى .....من طول الأيام أشبعه ".
حتى لو صبر عليكِ شوية لو فى صالحك هيديك الحاجة دى ولو مش فى صالحك مش هيديهالك . أوعا تسيبه وتمسك فى وسائل العالم علشان تنقذك
فى طريقك وأنت ماشي مع ربنا :-
3- أهرب من أماكن الخطية:- ( التليفزيون – الدش - .....) أى مكان فيه خطية أتركه " طوبى ......فى طريق الخطاه لايقف وفى مجلس المستهزئين لم يجلس"
+ أهرب علشان تدور على ربنا وتحتمى فيه مش هتلاقى مكان تحتمى فيه غير الكنيسة علشان كده تبنى الكنيسة على شكل صليب أو سفينة نوح .
+ أهرب للأنجيل المقدس أهرب لكلمة ربنا" أما الشهوات الشبابية فأهرب منها
+ لو هربت هتاخد مكان فى السما " أهرب لحياتك أوعا تبص ورائك ...أهرب للجبل " الجبل مفهوش حاجة ولا شهوة عين ولا جسد ولا تعظم معيشة
خلى فكرك مشغول دايماً بربنا
أطلب من ربنا أنه يحفظك ويحفظ حياتك طاهرة نقية للمسيح هو اللى هيسندنا ويقوينا

---------------------------------------------------------