شعر

عايز أحكي معاك
يا فاديني بدماك
وأتمتع بلقاك
يا واعدني بسماك

عايز أقولك عاللي تاعبني
وأحكيلك أيه اللي شاغلني
أسمع صوتك بيشجعني
وبكلمة حنينة ترفعني
ومشورتك ليّ ترشدني

عايز أشاركك أحداث يومي
طول ما أنا صاحي وحتى في نومي
ومفيش شيء عنك يشغلني

أنا عارف انك مش ناسيني
وسامع صوت ضحكي وأنيني
وكتير بتكون مستنيني
وأمور العالم تلهيني

من فضلك قوّي إرادتي
عشان أديك كل وقتي
وأكيد هالقى عندك راحتي
أنت الأدرى فين مصلحتي
وكلامك نوره بيهديني