الــــــــــــــــــرب صـــــــــــــــالـــــــــــــــح

كان في رجل كل يصلي كتير وجه يوم وحس أن الرب مش بيسمعه فوقف ورفع عنيه للسماء وقاله يارب أنا عايز انهرده اشوفك عشان أتأكد أنك حاسس بي
ولقي شمس حارقة جمده جداً تعبته ،لسوعته
فوقف تاني يوم قاله يارب طيب بلاش أشوفك ممكن تخليني احس بيك ،ألمسك
لقي الدنيا مغيمه وامطار شديده وجو عاصف
فوقف تالت يوم وقاله يارب طيب بلاش اشوفك ومش عايز أحس بيك ممكن تسمعني صوتك ووقف مستني
لكن ملقاش غير جو عاصف وبرق شديد ورعد خطير
فوقف قدام الرب وقاله نفسك ومش عايز توريني ولمستك ومش عايزني احس بيها وحتي صوتك مش عايزني أسمعه طيب أنت فين يا رب........؟
وفي اللحظه دي جاله صوت السيد رب المجد وقاله:-
لما قلت عايز أشوفك بعتلك الشمس اقوي نور لكن مأخذتش بالك لسوعتك بيها لكنك مفهمتش
قلتلي عايز المسك بعتلك مطر غزير محستش زودت هواء وجو عاصف لكنك برضه مفهمتش
قلتلي عايز اسمع صوتك بعتلك برق ورعد رعبك لكنك برضه مفهمتش وفي الآخر بتلومني وتقولي اني مطنشك وأنت حبيبي وكل أمورك بتهمني بس أنت غليظ القلب ....

كتير قوي الله بيكلمنا بطرق مختلفه وأنواع كتير بس للأسف أحنا بنكون قسات القلوب غلاظ الرقاب والامخاخ مش فهمين غير مبالين وكل حاجه تحصل نقول ليه يارب طيب ما تقعد قدامه وتفهم ومتهاجمش علي طول وتخلي مخك يقولك أنه ربنا مش هامه حاجه ومش بيبالي بيك قعد قدامه وأسمعله وقولوا عايزك تباركني وده كفايه وأتعلم ترضي بالوحش الأول عشان لما ييجي الحلو ميبقاش عادي وكده
فكر كويس وقعد قدامه وشوف خيره اللي هيغطيك ،لا هو مغطيك بس أنت مش قادر تشوفه صح لو عايز تشوفه متقولوش غير ظروفي وخليها أحسن لكن قوله خليني أشوف ظروفي بعنيك أنت......
الــــــــــــــــــرب صـــــــــــــــالـــــــــــــــح